أكيد سمعت العبارة دى قبل كده، كلنا مرت علينا الكلمة دى ممكن تكون سمعتها من شخص أو إتقالك إنك محتاج تعمل ده أو يمكن تكون أول مره تسمعها. طب الجملة دى معناها إيه وإزاى أعمل ده وأعمله فين؟

التنظيف الطاقى هو نفس معنى كلمة تنظيف الدارجة اللى متعودين عليها٬ أنظف بيتى، أنظف عربيتي، أنظف غرفتى، أنظف المكتب، أنظف جسمى، بشرتى، أسنانى، شعرى.. إلخ. التنظيف الطاقى مقصود بيه تنظيف الطاقة الحيوية لما تتعرض للتلوث أو لعوائق وموانع تمنع التدفق الطبيعى الفطرى لمسارات الطاقة جوه الجهاز الطاقى الموجود فى جسمنا وحوالين جسمنا فيما يطلق عليه شاكرات والهالة الأثيرية والمريديان. الطاقة الحيوية هى طاقة الكون اللى احنا جزء منه وهى خلق الله سبحانه وتعالى. كلنا عندنا القدرة العظيمة والمثالية للتعامل مع الطاقة والعمل بها فمتقلقش الموضوع بسيط وسهل لكن ضرورى.

هنتكلم عن ممارسات بسيطة وعملية هتساعدك إنك تبتدى تتعلم إزاى تبقى واعى بطاقتك وإزاى تنظفها بطريقة دورية. في الأول فيه شروط مهمة تحطها في اعتبارك قبل ما تبتدى التنظيف. إبتدى بشئ صغير وبسيط مش ضرورى تبتدى بحاجة كبيرة قوى أو إنك تبقى عايز تنظف كل حاجة فى وقت واحد، حدد نقطة تبتدى منها أو هدف بسيط إكتبه فى ورقة وده هيساعدك إنه يقلل من التوتر والضغط اللى ممكن تكون محطوط فيه بالراحة على نفسك. حدد وقت تنظف فيه طاقتك الصبح أو قبل النوم الوقت اللى يريحك ويبقى مناسب ليك بدون إزعاج. متخترش طريقة تنظيف غير متوفرة عندك فتعطلك عن تنظيف طاقتك أو تكلفك فلوس. متخترش طريقة تخالف معتقداتك المجتمعىة أو الدينىة أو حتى الفكرىة، اختار الطريقة التى تتناسب معاك. حدد الهدف من التنظيف الطاقى علشان تختار الطريقة المناسبة للتنظيف فعناك تنظيف للمعدة والجسم والأفكار والمشاعر والهالة حول الجسم والبيت والمكتب والحجرة.

نظيف طاقة الجسم أو الهالة
إحنا طول الوقت بنتعامل مع ناس وبنقابل ناس ممكن يكونوا قريبين لينا جداً أو أشخاص مضطرين نتعامل معاهم، فى ناس بتنهكنا وتستنزفنا وتتعبنا طاقياً وناس عندها مشاكل وبتحكيهالنا فنتأثر بشكل غير مباشر بالمشاكل ونحسن بالتعب والإنهاك والضيق ونحتاج لتنظيف الجسم والطاقة والهالة يومياً ودورىاً بالطرق البسيطة دى:
- الإستحمام بماء فاتر يعمل علي تنظيف الهالة سريعاً.
- إستخدام الملح الخشن أو البحرى بماء البانيو بما يعادل حفنة يد فى الماء لتنقية الهالة كذلك وضع ملح انجليزى Epsom Salt لتنقية الجسم من السموم والجلوس نصف ساعة بالماء او الإستحمام فى البحر أو بماء البحر.
- إرتداء أحجار كالأميتيست أو الفلورايت أو الكوارتز أو التورمالين الأسود أو اللابرادوريت ينقي ويقوي الهالة الكهرومغناطيسية بسرعة وسهولة.
- الحرص على الوضوء بنية تنظيف الهالة والجسم.
- الصلاة ركعتين بنيه تنظيف الجسم والهالة.
- إذا لم يكن هناك مشاكل بالتنفس أو حساسية، إستخدام البخور والتعرض لرائحته حول الجسمى والهالة مفيد جداً.
- وضع زيوت عطرية كالمرمية واللافندر واللبان فى ماء الإستحمام.
- التعرض لأصوات الالات الإستشفاء التبتية ينظف الهالة بفاعلية.

تنظيف البيت والمكتب
يظل تنظيف المكان أو الغرفة أو المكتب ضروري جداً فالأماكن تحتفظ بسهولة بالطاقة فمثلاً لو فى مشاحنات أو خلافات أو مشاكل فى المكان ولم يتم تنظيفه طاقيا هتبقي مش قادر تقعد وممكن المشاكل تزيد فلازم تتخلص من الطاقة الراكدة دى بعدة طرق منها:
-سقف بأركان الغرفة الأربعة لخلخلة الطاقة الراكدة مرة أسبوعياً.
-إفتح شبابيك البيت للهواء والشمس نصف ساعة على الأقل يومياً.
-بخر البيت بلبان الدكر أو المرمية أو الصندل مع فتح الشبابيك.
-إشعل الشموع بروائح اللافندر أو Sage أو Franckessence.
-ضع أكواب كرتون بها ملح خشن أو بحرى أو رشيدى بأركان الغرفة وغيرها كل 3 أيام فالملح ينقي وينظف الطاقات الضارة.
-غطى كل فيش الكهرباء لأنها مصدر للطاقات السلبية المضرة.
-إغلق الWi Fi وشغله عند اللزوم لأنه مصدر إشعاعات مضرة للجسم.
-إذا كان لديك أحجار وكريستالات بالمنزل، ضع تورمالين أسود خام بأركان الغرفة الأربعة أو تحت مصدر الكهرباء ليوازن الطاقة فى الغرفة.
-إذا كنت ممارس بندول يمكن إستخدامه فى تنظيف الغرفة بشكل دورى.

جسمنا ومكانا محتاجين نعتنى بيهم علشان نقدر نرتاح فى الحياة ونلاقى سعادتنا اللي بندور عليها