الحب من أسمى المشاعر اللى بتمر على قلب كل إنسان و له أشكال كتير ومن أهمها الحب العاطفى. كل واحد مننا يتمنى يحب و يتحب، بيتمنى يقابل الإنسان اللى يعيش معاه أحلامه، إللى يكون له الونس والأمان، يكون بوصلته للحياة.

لكن برغم كل ده، أحيانا لما بيقابل الإنسان المناسب له، يبدأ يبنى بينه جدار ويسجن مشاعره ويبعد عنه وهو معتقد إنه بكده بيحمى نفسه من الألم أو الوجع إلى ممكن يتعرض له لو إرتبط عاطفياً.اوالدخول في علاقة جديدة ده إسمه الخوف من الإرتباط Fear of commitment وهنا يبدأ الإنسان يدخل فى صراع داخلى ما بين خوفه من الإرتباط وبين مشاعره القوية من ناحية وما بين رغبته القوية فى القرب من الشخص اللى بيحبه.

المشكلة إن أحيانا الشخص عشان يقضى على شعور الخوف ده، يقرر إنه يبعد وينهى العلاقة فى بدايتها، بعد كده بيدخل فى شعور الندم وقلة ثقته فى إنه ممكن يتغلب على مخاوفه لتزيد أكثر. وعلي فكرة الخوف من الإرتباط مش مشكلة تخص الرجالة بس لكن كمان أصبحت تخص المرأة كمان، خوف من الإلتزام بعلاقة مع شخص وممكن تتعرض لألم نفسى، عشان نفهم المشكلة اكتر، محتاجين الأول نعرف أسبابها.

كل شخص حالة خاصة وله أسباب مختلفة عن غيره، لكن هنتكلم عن الأسباب الرئيسة وهي فقد شخص عزيز عليه مثل الأب او الأم وبالتالى الشخص بيخاف يتعلق عاطفيا بشخص و يفقده فيلجأ للهروب عشان يحمى نفسه من الألم أو طلاق الوالدين وتأثيره النفسى على الشخص أو الخبرات السابقة إنه يكون مر بتجربة سابقة مؤلمة أو خوف من الترك إنه يتساب فجأة ويتعرض للخذلان لو الطرف الآخر أنهى العلاقة بدون مقدمات أو خوف إنه يكتشف فى الشخص الآخر بعد الزواج عيوب أو صفات ما يقدرش يتقبلها أو يتعامل معاها أو خوف من الإرتباط بعلاقة طويلة المدى و يفقد حريته مع عدم تقدير الشخص لذاته والإعتقاد إنه ما يستاهلش يتحب وممكن كمان خوف من الدخول فى علاقة قد تكون غير صحية له نفسياً زى إنه يتعرض للإستغلال العاطفى أو الخيانة مع التأثير السلبى لتجارب المحيطين به.

أول خطوة عشان تغلب الخوف إنك تحدد سبب مخاوفك وده هيحتاج إنك تسأل نفسك هل أعتقد إنك معندكش مقومات تخلى علاقة جديدة تنجح؟ خائف إن شريك حياتك يسيبك؟ خايف إن الشخص إلى وثقت فيه يؤذيك نفسياً؟ فكرة إرتباط طويل المدى مخيفة لك؟ إنت والطرف الآخر عارفين تتواصلوا مع بعض بشكل جيد وبصراحة؟ إنت والطرف الآخر قيمكم

وأولوياتكم فى الحياة متشابهة؟
لو معظم إجاباتك (نعم) يبقى إنت قادر تبنى علاقة ناجحة لأنك مدرك سبب مخاوفك والشكل العلاقة الصحية بس محتاج تعرف إيه التكنيك للتغلب على خوف الإرتباط. إكتشف سبب خوفك ودخل دايما موجود لا اللاواعى عندك، إعرف نوع خوفك إليه بالظبط، إتكلم مع الطرف الآخر بصراحة فى المشكلة وإطلب منه إنه يتفهمك وما يضغطش عليك عشان تنقل للمرحلة التالية للعلاقة أو إتكلم مع شخص موضع ثقة بالنسبة لك وممكن تطلب مساعدة شخص متخصص.

الخوف وهم من صنعك وكل ما ركزت عليه كل ما خوفك كبر لكن لما بتواجه مخاوفك هتعرف إزاى التعامل معاها فوظيفة عقلك إنه يحميك وبسبب الأفكار السلبية إللى غذيت عقلك بيها ترجمها لك فى صورة مخاوف لكن لما نتخلص من الافكار السلبية عقلك هيطمن ويساعدك. نصيحة أخيرة الحب والسعادة قرار؛ إدى نفسك فرصة تحب وتتحب، الحب بيشفى ويطمن وبيخلصك من مخاوفك وياخد إيدك لبر الأمان؛ إدى نفسك فرصة وإفتح قلبك للدنيا. صدق إنك تستحق الحب؛ تستحق الحياة